वातावरण

पश्चिमी न्यून चापिय प्रणालीको आंशिक प्रभाव, यी ठाउँमा आंशिक बदली, हिमपात र सामान्यतया सफा

• गाउँ सहर संवाददाता
• १४ माघ शुक्रबार, २०७८ | ०५:४८:०० मा प्रकाशित

काठमाडाैँ । जल तथा माैसम विभागका अनुसार हाल देशमा पश्चिमी न्यून चापिय प्रणालीको आंशिक प्रभाव रहेको छ । हाल देशको पहाडी भू-भागमा आंशिक देखि सामान्यतया बदली रही बांकी भू-भागमा मौसम सामान्यतया सफा रहेको छ ।

आज २०७८ माघ १४ गते शुक्रबार दिउँसो प्रदेश १, बागमती तथा गण्डकी प्रदेशको पहाडी भू-भागमा आंशिक देखि सामान्यतया बदली रही देशका बाँकी भू-भागमा आंशिक बदली देखि मौसम सामान्यतया सफा रहने छ ।

प्रदेश नं १ तथा बागमती प्रदेशको पहाडी भू-भागका एक-दुई स्थानमा हल्का वर्षाको र सोही क्षेत्रको उच्च पहाडी तथा हिमाली भू-भागका थोरै स्थानहरुमा हल्का हिमपातको संभावना छ ।

राति देशको पहाडी भू-भागमा आंशिक बदली रही बाँकी भू-भागहरुको मौसम सामान्यतया सफा रहने विभागले बताएकाे छ ।