अर्थतन्त्र

उतारचढावबीच शेयरबजार परिसूचक नेप्से सामान्य अंकले घट्याे

• गाउँ सहर संवाददाता
• ११ माघ मंगलबार, २०७८ | १५:३३:०० मा प्रकाशित

काठमाडौं । दिनभरकाे उतारचढावकाे काराेबारपछि नेपाल स्टक एक्सचेञ्ज (नेप्से)मा सामान्य अंककाे गिरावट आएको छ ।

साताकाे तेस्राे दिन नेप्से मंगलबार आज नेप्से ५.९२ अंकले घटेर २८१४.७४ बिन्दुमा थामिएकाे छ । हिजाे सोमबार नेप्से सय अंकले घटेको थियो ।  

२२९ कम्पनीको ९७ लाख ८४ हजार ६५१ कित्ता सेयर ५ अर्ब ३९ करोड ५६ लाख ७२ हजार ६२७ रुपैयाँको सेयर किनबेच भएको छ ।

आज कारोबार रकममा पनि गिरावट आएको छ । आज ५ अर्ब ३९ करोड ५६ लाख बराबरको कारोबार भएको छ । सोमबार ८ अर्ब ८८ करोड ८५ लाख बराबरको कारोबार भएको थियो ।    

वन नेपाल लघुवित्तीय संस्थाको सेयर मूल्यमा सकारात्मक सर्किट लागेको छ भने बुद्ध भुमी नेपाल हाईड्रोपावर कम्पनीको सेयर मूल्यमा पनि सकारात्मक सर्किट लागेको छ ।

यो दिनको कारोबारमा पोखरा फाइनान्स, कालिका लघुवित्त वित्तीय संस्था, सामलिङ पावर कम्पनीका लगानीकर्ताले कमाएका छन् । यता गोर्खाज फाइनान्स, समिट लघुवित्त वित्तीय संस्था, समता घरेलु लघुवित्त वित्तीय संस्था चन्द्रागिरी हिल्सका लगानीकर्ताले गुमाएका छन् ।

कारोबारको आधारमा आज सबैभन्दा बढी एसियन लाइफ इन्स्योरेन्स कम्पनीको भएको छ । यस कम्पनीको आज २६ करोड ९४ लाख भन्दा बढीको कारोबार भएको छ ।