स्वास्थ्य

पछिल्लो २४ घण्टामा विश्वभर २१ लाख बढी कोरोना संक्रमित थपिए

• गाउँ सहर संवाददाता
• १० माघ सोमबार, २०७८ | १३:५५:०० मा प्रकाशित

काठमाडाैं । पछिल्लो २४ घण्टामा विश्वभर २१ लाख ३२ हजार बढी कोरोना संक्रमित थपिएका छन् । भारतमा सबैभन्दा धेरै तीन लाख ५ हजार, फ्रान्समा ३ लाख एक हजार, अमेरिकामा एक लाख ९७ हजार र इटलीमा एक लाख ३८ हजार छन् ।

ब्राजिलमा ८४ हजार, जर्मनीमा ७५ हजार, बेलायतमा ७४ हजार, टर्कीमा ६५ हजार र रुसमा ६३ हजार जनामा संक्रमण पुष्टि भएको हाे ।

२४ घण्टामा १२ लाख ९४ हजारभन्दा बढी संक्रमणमुक्त भएका छन् भने ४ हजार ४९८ जनाको मृत्यु भएको जनाइएकाे छ ।

मृत्यु हुनेमा रुसमा ६७९, अमेरिकामा ५७०, भारतमा ४७४, इटलीमा २२७, ब्राजिलमा ११८, टर्कीमा १८५, फ्रान्समा ११५ र बेलायतमा ७५ जनाकाे काेराेनाका कारण ज्यान गएकाे छ ।

त्यसैगरी, निको हुनेमा भारतमा २ लाख ३२ हजार, बेलायतमा एक लाख ६७ हजार, इटलीमा एक लाख ३१ हजार, टर्कीमा ७५ हजार, फ्रान्समा ६७ हजार, अमेरिकामा ३४ हजार र रुसमा २३ हजार छन् ।