राजनीति

एमालेले भन्याे : रेणु यादवलाई पदमा राखिरहनु अत्यन्त आपत्तिजनक (वक्तव्यसहित)

• गाउँ सहर संवाददाता
• ९ माघ आइतबार, २०७८ | १४:१२:०० मा प्रकाशित

काठमाडाैं ।  एमालेले भौतिक पूर्वाधार तथा यातायात मन्त्री रेणुकुमारी यादवलाई पदमा राखिरहनु अत्यन्त आपत्तिजनक भएकाे जनाएकाे छ ।

अध्यक्ष ओलीले आइतबार जारी गरेको आठ पृष्ठको वक्तव्यमा अन्य विषयका अतिरिक्त मन्त्री यादवको अभिव्यक्तिको आलोचना गरिएको छ ।

‘एक जना मन्त्रीबाट जनमत पार्टीका नेताहरुलाई ‘गौर काण्ड’ जस्तै घटना दोहोर्‍याएर हत्या गर्न धम्की दिइएको छ । यस्तो कार्य आपत्तिजनक, आपराधिक र बर्बरतायुक्त छ । यस्तो अभिव्यक्ति दिने व्यक्तिलाई हालसम्म पनि कारबाही नगरी पदमा बहाल राखिरहनु अत्यन्त आपत्तिजनक छ’, वक्तव्यमा उल्लेख गरिएकाे छ ।

गत बुधबार मन्त्री यादवले गौर पुगेर १५ वर्षअघिको जस्तै ‘गौर काण्ड’ दोहोर्‍याउने धम्की दिएकी थिइन् । सीके राउत नेतृत्वको जनमत पार्टीका कार्यकर्तातर्फ लक्षित भाषणमा उनले भनेकी थिइन् ( ‘तुफानसँग नटकराउनुस् । नत्र तपाईंको पनि त्यही हालत हुन्छ, जुन राइस मिलमा भएको थियो ।’