प्रविधि

आकाशमै जहाजकाे ढाेका खुलेपछि...

• गाउँ सहर संवाददाता
• २ माघ आइतबार, २०७८ | १३:२७:०० मा प्रकाशित

काठमाडाैं । पोखराको लागि उडेको गुण एयरलाइन्सको विमान फेरी काठमाडौंमै फर्किएको छ । आज बिहान १० बजे पोखराको लागि उडेको गुण एयरलाइन्सको विमान फेरी काठमाडौंमै फर्किएको हाे । जहाज उडेपछि प्राविधिक समस्या देखिएपछि  काठमाडौंमा नै  अवतरण गरिएको त्रिभुवन विमानस्थल नागरिक उड्ययन कार्यालयका प्रमुख भोला प्रसाद गुरागाईंले जानकारी दिएका छन् ।

जहाज करिब साढे ८ बजे पोखरा उड्ने तालिका थियो । तर, डिले भएर १० बजे उडेको जहाजको ककपिटमा इन्डिकेटरले एउटा ढोका लक नभएको सुचना दियो । त्यसपछि पाइलटले जहाज फर्काउने निर्णय गरेका थिए ।

ढोका लक नभएको संकेतका आधारमा पाइलटले जहाजलाई फर्काएर त्रिभुवन विमानस्थलमा नै ल्याण्ड गरेको विमानस्थलका प्रमुख गुरागाईंले बताए । अहिले जहाजको प्राविधिक परिक्षण भइरहेको छ । जहाजमा सवार यात्रुहरुलाई अर्को जहाजमार्फत पोखरा पठाउने तयारी भइरहेकाे जनाइएकाे छ ।