अर्थतन्त्र

शुक्रबार सुनचाँदीकाे मूल्य बढ्याे, कति छ बजार भाउ ?

• गाउँ सहर संवाददाता
• ३० पौष शुक्रबार, २०७८ | ११:४१:०० मा प्रकाशित

काठमाडाैं । शुक्रबार पनि नेपाली बजारमा सुनको मूल्य बढेको छ । बिहीबार सुनको मूल्य प्रतितोला ९२ हजार ५ सयमा कारोबार भएकोमा आज तोलामा दुई सयले बढेकोनेपाल सुनचाँदी व्यवसायी महासंघले जनाएकाे छ ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९२ हजार ७ सय रुपैयाँ कायम गरिएको छ भने तेजावी सुनको मूल्य प्रतितोला ९२ हजार दुई सय रुपैयाँ कायम गरिएको छ ।   

आज चाँदीको मूल्यमा पनि बढेको छ । हिजो चाँदीको मूल्य प्रतितोला १२५५ मा कारोबार भएकोमा आज बढेर प्रतितोला १२६० रुपैयाँ मूल्य कायम गरिएको महासंघले जनाएको छ ।