राजनीति

यी हुन् कांग्रेसले राष्ट्रियसभाका लागि छानेकाे ६ उम्मेदवार

फाइल तस्बिर

काठमाडौं । नेपाली कांग्रेसले राष्ट्रियसभाका ६ उम्मेदवार टुंगो लगाएको छ । सोमबार बसेको केन्द्रीय कार्यसमितिको बैठकले उम्मेदवारहरुको नाम टुंगो लगाएको हो ।

जसअनुसार प्रदेश १ मा गोपालकुमार बस्नेत, बागमतीमा कृष्णप्रसाद पौडेल, गण्डकीमा कमला पन्त, लुम्बिनीमा युवराज शर्मा, कर्णालीमा दुर्गाकुमारी गुरुङ, सुदूरपश्चिम प्रदेशमा नारायण मिश्र उम्मेदवार बनेका छन् ।

सत्तारुढ गठबन्धनमा भएको सहमतिअनुसार कांग्रेसको भागमा ६ सिट परेको थियो । बैठकले १२ माघमा हुने मतदानमा गठबन्धनका उम्मेदवारहरुलाई मत दिन समेत आह्वान गरेको छ ।

उम्मेदवारमध्ये दुई जना सत्तापनइतर पक्षका छन् ।  कमला पन्त र नारायण दत्त मिश्र भने शेखर कोइराला पक्षका हुन् । 

त्यस्तै राष्ट्रिय सभा निर्वाचनमा सत्तारुढ गठबन्धन ऐक्यबद्ध ढंगले अघि बढ्ने  र सहमतिबमोजिमका उम्मेदवारहरुलाई विजयी गराउने निर्णय पनि कांग्रेस बैठकले गरेको छ ।

गाउँ सहर संवाददाता

तपाईँको मत