सडक/यातायात

पाल्पा दुर्घटना अपडेटः मृतककाे संख्या ८ पुग्याे, विस्तृत विवरण आउन बाँकी

• गाउँ सहर संवाददाता
• १८ पौष आइतबार, २०७८ | १४:०७:०० मा प्रकाशित

बुटवल । पाल्पामा बस दुर्घटना हुँदा मृत्युु हुनेको संख्या ८ पुगेको छ ।

बुटवलदेखि शव दाहसंस्कारका लागि रुरुक्षेत्र कालीगण्डकी रिडी हिँडेको लु १ ख ७२७९ नम्बरको बस रिब्दीकोट गाउँपालिका–३, लघुवामा दुर्घटना भएको हो ।

दुर्घटनामा सात जनाको घटनास्थलमै र एक जनाको उपचारका क्रममा मृत्यु भएको हार्थोक प्रहरी चौकीका प्रहरी सहायक निरीक्षक विष्णु रेग्मीले जानकारी दिए ।

दुर्घटनामा ज्यान गुमाएकाहरूको सनाखत भएको छैन। अर्घाखाँचीको मालारानी गाउँपालिका-२, कुभिण्डे स्थायी घर भई हाल बुटवल रानीगञ्ज बस्दै आएका ७० वर्षीय वीरबहादुर विश्वकर्माको निधनपछि मलामी गएकाहरू चढेको बस दुर्घटनामा परेको प्रहरीले जनाएको छ ।

बसमा अर्घाखाँची मालारानी-२ का धेरै व्यक्ति सवार रहेको बताइएको छ ।

उद्धार जारी रहेकाले घटनाको विस्तृत विवरण आउन बाँकी छ ।