गाउँ सहर

छुट्टाछुट्टै आयोजनामा कार्यरत दुई मजदुरको मृत्यु

बागलुङ । छुट्टाछुट्टै आयोजनामा कार्यरत बागलुङमा दुई मजदुरको मृत्यु भएको छ ।

बडिगाड गाउँपालिका–१ वेतनीको खानेपानी आयोजना र बरेङ गाउँपालिका–१ सानोखोलाको सडक आयोजना कार्यरत मजदुरको मृत्यु भएको हो ।

बडिगाड गाउँपालिका– वेतीस्थित जिमि सक्नियर खानेपानी तथा सरसफाइ आयोजनामा कार्यरत बडिगाड गाउँपालिका–२ निवासी २४ वर्षीय कमल गिरी घर फर्कने क्रममा गोरेटो बाटोबाट लडेर मृत्यु भएको हो ।

गिरी खानेपानी विस्तारको पाइपलाइन खनी फर्कने क्रममा लडेको जिल्ला प्रहरी कार्यालय बागलुङका प्रहरी नायव उपरीक्षक इकवाल हवारीले जानकारी दिएका छन् ।

त्यसैगरी, बरेङ गाउँपालिकाअन्तर्गत सडक निर्माणको जिम्मेवारी लिएको सलिथुम्का निर्माण सेवामा कार्यरत सल्ला कपुरबोट गाउँपालिका–६ का तिलबहादुर महतरा मृत अवस्थामा भेटिएका छन् । आफू बस्दै आएको सानाेखोलाको क्याम्प छाडी हिँडेका महतरा अबेरसम्म पनि क्याम्प नफर्किएछि खोजी गर्दै जाँदा नाम्रुक बरेङ कच्ची सडकदेखि अन्दाजी तीन सय मिटर तल मृत अवस्थामा फेला परेका हुन् ।

गाउँ सहर संवाददाता

तपाईँको मत