गाउँ सहर

एटिएम मेसिन तोडफोड गरेको अभियोगमा एक जना पक्राउ

• गाउँ सहर संवाददाता
• १३ पौष मंगलबार, २०७८ | १२:१७:०० मा प्रकाशित

मोरङ । एटिएम मेसिन तोडफोड गरेको अभियोगमा एक जनालाइ प्रहरीले पक्राउ गरेकाे छ । बिराटनगर महानगरपालिका–३ कंचनबारीस्थित माछापुच्छ्रे बैंकको एटिएम मेसिन तोडफोड गरेको अभियोगमा रतुवामाई नगरपालिका–५ बस्ने २१ वर्षीय पारस कालिकोटेलाई आइतबार राति पक्राउ गरिएकाे हाे ।

एटिएम मेसिन तोडफोड भईरहेको भन्ने सूचना प्राप्त हुनासाथ जिल्ला प्रहरी कार्यालय मोरङ, प्रहरी चौकी बरगाछी र सिआरभि पोष्ट भट्टाचोकबाट खटिएको प्रहरीले तोडफोडमा संलग्न उनलाई पक्राउ गरेको प्रहरीले जानकारी दिएकाे छ ।

यस सम्बन्धमा थप अनुसन्धान भईरहेको प्रहरीले बताएकाे छ ।