गाउँ सहर

जबर्जस्ती करणीकाे आराेपमा युवक प्रहरी नियन्त्रणमा

• गाउँ सहर संवाददाता
• ११ पौष आइतबार, २०७८ | १३:२५:०० मा प्रकाशित

महोत्तरी । प्रहरीले जबर्जस्ती करणी प्रयासकाे आराेपमा एक जनालाइ पक्राउ गरेकाे छ । बर्दिबास नगपालिका-९, पशुपतिनगरबाट १४ बर्षीय एक युवकलाइ प्रहरीले जबर्जस्ती करणी प्रयासकाे आराेपमा पक्राउ गरेको हाे । सोही ठाउँकी १४ वर्षीया बालिकालाई जबरजस्ती करणी गर्न खोजेका मौखिक उजुरीको आधारमा वडा नम्बर ७  मनहरीपुरका किशाेरलाई आज पक्राउ गरेको इलाका प्रहरी कार्यालय बर्दिबासले जानकारी दिएकाे छ ।

घाँस काट्ने क्रममा  बालिकालाई करणी गर्न खोजेको परिवारिक स्रोतकाे आराेप छ । तर अहिलेसम्म पीडित पक्षले लिखित जाहेरी भने दिएको छैन । जाहेरी प्राप्त नभएसम्म आरोपित किशाेरको पहिचान खुलाउन नमिल्ने प्रहरीकाे जनाएकाे छ । 

युवकलाई  इलाका प्रहरी कार्यालय बर्दिबासले नियन्त्रणमा लिएको प्रहरीले बताएकाे छ ।

जाहेरी प्राप्त भएपछि थप अनुसन्धान अगाडि बढाउने इलाका प्रहरी कार्यालय गौरीडाडाले जानकारी दिएकाे छ ।