विश्व

अफगानिस्तानमा तालिवानले सत्ता कब्जा गरेपछि ६ हजार ४ सय पत्रकारकाे जागिर चैट

• गाउँ सहर संवाददाता
• ९ पौष शुक्रबार, २०७८ | १३:३३:०० मा प्रकाशित

एजेन्सी ।  अफगानिस्तानमा ६ हजार ४ सय पत्रकारको जागिर गएकाे छ । तालिवानले सत्ता कब्जा गरेपछि ६ हजार ४ सय पत्रकारको जागिर गएकाे हाे ।

गैरनाफामुखी संस्था रिपोटर्स विदवाउट बोडर्स (आरएसएफ) र अफगानिस्तानको स्वतन्त्र पत्रकार संघ (एआईजेए)ले गरेको सर्वेक्षणअनुसार तालिवानले सत्ता कब्जा गरेपछि अफगानिस्तानको सञ्चार माध्यममा नाटकीय परिवर्तन भएको छ । तालिवानको सत्तापलटपछि  दुइ सय ३१ सञ्चार माध्यमहरु बन्द भएका छन् । अफगान सञ्चार माध्यममा तालिवान सत्ताको प्रभाव नाटकीय रुपमा देखिएको सर्वेक्षणमा उल्लेख गरिएकाे छ ।

प्रत्येक १० सञ्चार माध्यमबाट चार जनाभन्दा बढी पत्रकार हराउँदै गएका छन् । जसअनुसार देशका ६० प्रतिशत पत्रकार र सञ्चार माध्यमका कर्मचारीले काम छोडेका छन् । पलायन हुनेमा ८० प्रतिशत महिला रहेका छन् । 

पाँच सय ४३ सञ्चार माध्यमहरुमध्ये नोभेम्बरको अन्त्यसम्म तीन सय १२ वटा मात्र सक्रिय छन् । तीन महिनाको अवधिमा ४३ प्रतिशत सञ्चार माध्यम गायब भएका छन्,’ सर्वेक्षणमा जनाइएकाे छ ।

अहिले केही क्षेत्रमा कुनै पनि स्थानीय सञ्चार माध्यम नरहेको एजेन्सीले जनाएकाे छ ।