गाउँ सहर

परपुरुषसँग लागेको आरोपमा श्रीमानले गरे श्रीमतीकाे हत्या

• गाउँ सहर संवाददाता
• ७ पौष बुधबार, २०७८ | १४:२०:०० मा प्रकाशित

सुर्खेत । परपुरुषसँग लागेको आरोप लगाउँदै आफ्नै श्रीमानले श्रीमतीको हत्या गरेका छन् । पूर्वी सुर्खेतको गुर्भाकोटमा आफ्नै श्रीमानले श्रीमतीको हत्या गरेका हुन् ।

गुर्भाकोट नगरपालिका–१३, भक्तपुरका ७१ वर्षीय भीमबहादुर परियारले आज बिहान आफ्नी श्रीमती ६९ वर्षीया गौमाया परिवारको हत्या गरेको जिल्ला प्रहरी कार्यालय सुर्खेतले जनाएको छ ।  

सुर्खेतका प्रहरी प्रमुख (एसपी) पदमबहादुर विष्टले हत्या आरोपित भीमबहादुरलाई  पक्राउ गरी हत्यामा प्रयोग गरिएको लट्ठीसमेत नियन्त्रणमा लिएर आवश्यक अनुसन्धान सुरु भइसकेको बताए । 

उनले प्रहरीको प्रारम्भिक अनुसन्धानमा भीमबहादुरले परपुरुषसँग सम्बन्ध राखेको भेटाएको झोकमा श्रीमतीको हत्या गरेको बताएको जानकारी दिएका छन् ।

६९ वर्षीया वृद्ध महिला कसरी परपुरुषसँग लाग्न सक्नुहुन्छ ? अहिले नै पीडकको यहीँ बयान मात्रै आधिकारिक मान्ने अवस्था नरहेकाले बाँकी कुरा अनुसन्धानबाटै खुल्ने प्रहरीले बताएकाे छ ।