आजका लागि दुई बजेअघि नै शेयर काराेबार बन्द, के हो सर्किट ब्रेकर ?
- गाउँ सहर संवाददाता
- २८ मङ्सिर मंगलबार, २०७८ | १३:५३:०० मा प्रकाशित
काठमाडौं । मंगलबार नेप्से परिसूचक दुईबजे अघि नै बन्द भएकाे छ । सेयर बजार ६ प्रतिशतले बढेपछि मंगलबारको लागि शेयर कारोबार बन्द भएको हाे । बजार ६.०१ प्रतिशतले बढेको हो । बजार १३७.१८ अंकले बढेर परिसूचक २४१८.८५ बिन्दुमा रोकिएको छ ।
कारोबारमा सर्किट लागेपनि कारोबार रकम भने ज्यादै न्यून रहेको छ । मंगलबार २२० कम्पनीको ४० लाख ८५ हजार ९५६ कित्ता सेयर १ अर्ब ८४ करोड २६ लाख ४७ हजार १४४ रुपैयाँको सेयर किनबेच भएको छ ।
नेप्सेका अनुसार आज कारोबार भएका सबै सकूहमा हरियाली छाएको छ भने दुई शेयरमूल्यमा उच्च गिरावट आएको छ । यस्तै, कारोबारको आधारमा आज सबैभन्दा बढी कारोबार नबिल बैंकको भएको छ । यस बैंकको आज ९ करोड भन्दा बढीको कारोबार भएको छ ।
शेयर बजारमा प्रयोग हुने सर्किट ब्रेकर के हो ? कसरी लाग्छ ?
नेप्सेले कुनै पनि कारोबार दिनमा कारोबार शुरु भएको पहिलो १ घण्टाभित्र (११ देखि १२ बजेको बीचमा) नेप्से इण्डेक्स ४ प्रतिशतले बढ्यो वा घट्यो भने सर्किट लगाई २० मिनेटका कारोबार रोक्ने गर्दछ।
यसैगरि बजार खुलेको दोश्रो घण्टाभित्र (१२ देखि १ बजेको बीचमा) नेप्से परिसूचक ५ प्रतिशतले घट्यो वा बढ्यो भने पुनः सर्किट लगाई ४० मिनेटका लागि कारोबार रोकिन्छ । यस्तै दोस्रो सर्किटपछि पनि वृद्दि अथवा गिरावटको क्रम निरन्तर रह्यो र बजार थप १ प्रतिशतले घटी वा बढी ६ प्रतिशत पुग्यो भने सर्किट ब्रेक लाग्ने व्यवस्था छ ।
यसरी ६ प्रतिशतसम्म नेप्से सूचक घटे वा बढेमा कारोबार रोकी सो दिनको बाँकी अवधिको कारोबार पूर्ण रुपमा बन्द गरिन्छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस