खेल

नेपाली क्रिकेट टिमको प्रशिक्षकमा पुबुदु नियुक्त

• गाउँ सहर संवाददाता
• २५ मङ्सिर शनिबार, २०७८ | ११:४९:०० मा प्रकाशित

काठमाडौं । नेपाल क्रिकेट संघ (क्यान)ले पुबुदु दासानायकेलाई राष्ट्रिय क्रिकेट टिमको मुख्य प्रशिक्षकमा नियुक्त गर्ने निर्णय गरेको छ ।

शनिबार बिहान बसेको क्यानको बोर्ड बैठकले दासानायकेलाई मुख्य प्रशिक्षकको रुपमा अनुमोदन गरेको हो ।

क्यानले पुबुदुसहित पाँच जना प्रशिक्षकको नाम अन्तर्राष्ट्रिय क्रिकेट परिषद् (आईसीसी)मा सिफारिस गरेको थियो । 

आईसीसीको रायअनुसार क्यानले राष्ट्रिय क्रिकेट टिमका पूर्वप्रशिक्षक दासानायकेलाई पुन: जिम्मेवारी दिने निर्णय गरेको हो ।