राजनीति

देउवाले भने : सभापतिमा फेरि जिताउनुहोस् डरत्रास मुक्त नेपाल बनाउने जिम्मा मेराे

• गाउँ सहर संवाददाता
• २४ मङ्सिर शुक्रबार, २०७८ | १८:५४:०० मा प्रकाशित

काठमाडौं । नेपाली कांग्रेसका सभापति शेरबहादुर देउवाले दोस्रो कार्यकालका लागि पनि आफूलाई जिताउन आग्रह गरेका छन् ।

पार्टीको १४औँ महाधिवशेनको उद्घाटन सत्रलाई सम्बोधन गर्दै देउलाले अब आउने सरकार पनि कांग्रेसको बनाउने भन्दै उनले आफूलाई जिताउन महाधिवेशन प्रतिनिधिलाई आग्रह गरेका हुन् । ‘मलाई जिलाउनुस् म स्थानीयदेखि राष्ट्रिय सरकार काँग्रेसकाे बनाउँछु । मलाई एक पल्ट जिताइदिनुस्,’ उनले भने । साथै उनले भन्नुभयो, ‘जुन दिन मेरो सरकार बन्यो, त्यो दिन सारा जनताले मुक्ति पाए । ओलीको शासनबाट मुक्ति पाए ।’

देउलाले डरत्रास मुक्त नेपाल बनाउनका लागि फेरि पनि आफूले सभापतिमा जित्नुपर्ने बताए ।

प्रधानमन्त्री समेत रहेका देउवाले आफ्नो नेतृत्वमा सरकार बनेपछि देशमा डरत्रास र तानाशाही शासनको अन्त्य भएको दाबी गरे ।

उनले भने, ‘मेरो सरकार बनेपछि डरत्रास हटेको छ। म प्रधानमन्त्री भएपछि ओलीको शासनबाट जनताले मुक्ति पाएका छन् । त्यसलाई बचाउने हो कि नबचाउने हो? त्यो यो महाधविशेनले तय गर्छ ।’

उनले तानाशाही शासनको अन्त्यका लागि फेरि पनि कांग्रेसको सरकार चाहिने र त्यसका लागि आफू नै सभापति हुनुपर्ने बताए ।

‘अब तानाशाही सरकारले नओस् भन्नका लागि कांग्रेसको सरकार चाहिन्छ । त्यो मेरो जिम्मा भयो ।

प्रतिनिधिहरु जो आउनुभएको छ, सर्वसहमति वा प्रतिस्पर्धाबाट आउनुभएको छ, देउवाले अगाडि भने, ‘कांग्रेसको सरकार रह्यो भने स्थानीय र केन्द्रको सरकार कांग्रेसको बन्ने छ। त्यसका लागि मलाई जिताइ दिनुहोस् ।’

देउवाले दोस्रो कार्यकालका लागि पुनः सभापतिमा प्रतिस्पर्धा गर्ने घोषणा गरेका छन् । उनले पार्टीको आन्तरिक चुनावले राष्ट्रिय चुनावमा असर पर्न नहुने बताए ।