गाउँ सहर

ट्रक पल्टिँदा चालकसहित २ जनाको मृत्यु

 

काठमाडाैं । ट्रक पल्टिँदा चालकसहित २ जनाको मृत्यु भएकाे छ । पोखरामा ट्रक पल्टिँदा चालकसहित २ जनाको मृत्यु भएको हाे । पोखरा विजयपुरस्थित सडक खण्डमा लेखनाथबाट पोखरातर्फ आउँदै गरेको लु.२ ख.२९४८ नम्बरको फलामे छड (रड) बोकेको ट्रक अनियन्त्रित भई नालीमा पल्टिँदा दुइ जनाको मृत्यु भएको प्रहरीले जनाएकाे छ । 

दुर्घटनामा परी लमजुङ पार्चेका ४२ वर्षीय चालक भीमबहादुर तामाङ र नवलपरासी गैडकोट–१७ का मुर्कुस तामाङको मृत्यु भएको जिल्ला प्रहरी कार्यालय कास्कीका डिएसपी एवं प्रवक्ता सुन्दर तिवारीले जानकारी दिएका छन् । 

दुर्घटनामा परेका दुई जनालाई उपचारका लागि पश्चिमाञ्चल क्षेत्रीय अस्पताल पठाइएकोमा चिकित्सकले मृत घोषणा गरेको डिएसपी तिवारी बताएका छन् । 

गाउँ सहर संवाददाता