खेल

नेपाल र कतारबीच टी–२० क्रिकेट श्रृङ्खला आजदेखि सुरु हुँदै

• गाउँ सहर संवाददाता
• ३० कार्तिक मंगलबार, २०७८ | १०:३६:०० मा प्रकाशित

काठमाडौं । नेपाली राष्ट्रिय महिला क्रिकेट टोलीले आज मंगलबार पहिलो टी-ट्वान्टी अन्तराष्ट्रियमा कतारसँग प्रतिस्पर्धा गर्दैछ ।

नेपालले कतारको दोहास्थित वेस्ट इन्ड पार्क स्टेडियममा घरेलु टोलीको सामना गर्नेछ । नेपाल र कतारबीचको खेल दिउँसो ३:४५ बजे सुरु हुनेछ ।

आईसीसी महिला टी-ट्वान्टी विश्वकपको एसियाली छनोटको तयारी स्वरूप नेपालले कतारसँग तीन खेलको टी-ट्वान्टी सिरिज खेल्न लागेको हो । महिला क्रिकेट टोलीले पहिलो पटक टी-ट्वान्टी सिरिज खेल्न लागेको हो ।

यस्तै  नेपाली क्रिकेट महिला टोलीले २३ महिनापछि पहिलो पटक अन्तर्राष्ट्रिय खेल खेल्न लागेको हो । पछिल्लो पटक महिला टोलीले १३ औं साग खेलकुद खेलेको थियो ।

सिरिज अन्तर्गत महिला टोलीले कतारसँग मंसिर १ मा दोस्रो र मंसिर २ गते तेस्रो खेल खेल्नेछन्।

विश्वकप छनोट नोभेम्बर २२ देखि २८ सम्म दुबईमा आयोजना हुनेछ । छनोटका लागि नेपालले रुबिना क्षेत्रीको कप्तानीमा टिम घोषणा गरिसकेको छ ।