गाउँ सहर

नेपाल बन्दको आंशिक प्रभाव, सडकमा बिस्तारै सवारीको चाप बढ्दै

काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले गरेको नेपाल बन्दको आंशिक प्रभाव देखिएको छ ।

पेट्रोलियम पदार्थको मूल्यवृद्धिको विरोधमा गरिएको बन्दका कारण सडकमा सार्वजनिक सवारी साधन चलेका छैनन् भने बसपार्कहरुबाट लामो दूरीका यातायातका साधनसमेत छुटेनन् । 

निजी सवारी र अत्यावश्यक सामान तथा खाद्यान्न बोकेका गाडीचाहिँ सडकमा गुडिरहेका छन् । बन्द आह्वानकर्ताले यसअघि नै अत्यावश्यकीय सवारी साधन सञ्चालनमा भने रोक नलगाउने बताएको थियो । 

पेट्रोलियम पदार्थसहितका दैनिक उपभोग्य वस्तुहरूमा गरिएको मूल्यवृद्धि तत्काल खारेज गर्न सरकारलाई जनदबाब दिने भन्दै नेकपाले कात्तिक ३० गते बन्द आह्वान गरेको थियो ।

मंगलबार बिहान सार्वजनिक सवारीहरू कम चले पनि निजी सवारी सडकमा निर्बाध गुडिरहेका छन् । सडकमा बिस्तारै सवारीको चाप बढ्दै गइरहेको छ । चोक चोकमा सुरक्षाकर्मीको बाक्लो उपस्थिति रहेको छ । 

गाउँ सहर संवाददाता

तपाईँको मत