ॐ चाबहिल डेन्टलकाे नि:शुल्क दन्त शिविरबाट काभ्रेमा दुई हजारभन्दा बढि लाभान्वित
- गाउँ सहर संवाददाता
- २९ कार्तिक सोमबार, २०७८ | १४:१०:०० मा प्रकाशित
काठमाडाैं । ॐ चाबहिल डेन्टल अस्पतालले काभ्रेमा तीन दिने नि:शुल्क दन्त तथा स्वास्थ्य शिविर सम्पन्न गरेको छ ।
ॐ चाबहिल डेन्टलले चाैंरी देउराली गाउँपालिका काभ्रे तथा जर्मन नेपाल सहयाेग संघ र विकासका लागि एकता तथा नेत्र ज्याेति संघकाे संयुक्त आयोजनामा नि:शुल्क दन्त तथा स्वास्थ्य घुम्ती शिविर सम्पन्न गरेको हो ।
शिविरबाट काभ्रेकाे चाैंरी देउराली-५ काे नाग्रे गगर्चे, कात्तिके देउराली वरपरका २ हजारभन्दा बढि सेवाग्राहीले नि:शुल्क सेवा लिएको ॐ चाबहिल डेन्टल अस्पतालका अध्यक्ष कृष्ण घिमिरेले जानकारी दिए ।
बिहीबारबाट वडा नं. २ को स्थित डिसीडब्लुसि अस्पताल नाग्रे गाउँपालिका अध्यक्ष दिननाथ गौतम र उपाध्यक्ष ताराकुमारी चौंलागाईंले संयुक्त रुपमा उद्घाटन गरेर शुरु भएको शिविर शनिबार वडा नं. ६ स्थित देउराली स्वास्थ चौकीमा आएर समापन भएको थियो । उक्त शिविरबाट २ हजार ७८ जना स्थानीयले सेवा लिएका छन् ।
सो अवसरमा शिविविरमा सामान्य स्वास्थ्य परिक्षणदेखि स्त्रीरोग परिक्षण, दाँत परिक्षण, आँखा परिक्षण, भिडियो एक्सरे, स्वास्थय शिक्षा तथा परामर्श, औषधि वितरण गरिएको थियो । विशेष गरी ग्रामीण क्षेत्रमा रहेका विपन्न, ज्येष्ठ नागरिक, अस्पतालसम्मको पहुँच नभएका स्थानीयहरुले यस शिविरबाट लाभ लिएकाेडेण्टलका प्रबन्धक निर्देशक अनिल शर्माले बताए ।
निःशुल्क र गाउँमै स्वास्थ्य सेवा पाएपछि स्थानीय खुशी भएका छन् । विपन्न, दलित र ज्येष्ठ नागरिकहरु गाउँमै निःशुल्क स्वास्थ्य सेवा पाएपछि खुशी भएका हुन् ।
काभ्रे पुगेकाे ॐ चाबहिल डेन्टल अस्पतालले देशका विभिन्न जिल्लामा नि:शुल्क दन्त शिविर सञ्चालन गर्दै आइरहेकाे छ ।
विभिन्न जिल्लाका स्थानीय तहमा पुगेर स्थानीय तहका संघ संस्थाको सहकार्यमा विभिन्न जिल्लामा दन्त शिविरसँगसँगै दाँत सम्बन्धी जनचेतनामूलक कार्यक्रम र सचेत गराउँदै आएको अध्यक्ष घिमिरेले बताए ।
प्रबन्धक निर्देशक शर्माले डेन्टल खोलेको छोटो समयमै सेवाग्राहीलाई गुणस्तर सेवा प्रदान गरेर बिरामीहरुको मन जित्न सफल भएको बताए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस