खेल

चौथो डायमण्ड रनिङ सिल्ड सम्पन्न

लेखनाथ । पोखरा महानगरपालिका २७ तालचोकमा अवस्थित डायमण्ड माविमा चौथो डायमण्ड रनिङ सिल्ड सम्पन्न भएको छ । अनुशासन र समृद्धिका लागि खेलकुद भन्ने मुल नाराका साथ गत कार्तिक २२ गते बाट शुरु प्रतियोगितामा विभिन्न खेलको फाइनल तथा पुरस्कार वितरण समेत सम्पन्न भएको विद्यालयले जनाएको छ ।

पुरस्कार वितरण गर्दै गण्डकी प्रदेश खेलकुद परिषद्का सदस्य सचिव तेज बहादुर गुरुङले अनुशासनका लागि खेलकुद र खेलकुदका लागि अनुशासन अनिवार्य रहेको बताउँदै  खेलले विद्यार्थीलाई अनुशासनमा बाँध्नुका साथै शारीरिक एवम् मानसिक रुपमा सबल बनाउने धारणा राखे ।

१६ ओटा समूहको सहभागिता रहेको फुटबल प्रतियोगितामा भेट्रान्स समूह प्रथम भएको छ भने दोस्रो स्थानमा  कक्षा ९ ले हासिल ग-यो । भेट्रान्स समूहले कक्षा ९ समूहलाई ४—३ गोलले पराजित गर्दै चौथो डायमण्ड रनिङ सिल्डको उपाधि जित्न सफल भएको हो ।

विद्यालयका संस्थापक निर्देशक माधवशरण उपाध्यायको सभापतित्वमा संचालन भएको समापन कार्यक्रममा विद्यालयका संस्थापक प्रिन्सिपल यम वहादुर रोका, व्यवस्थापक हरि प्रसाद लामिछाने, शिक्षक नारायण प्रसाद पराजुली लगायतले बोलेका थिए ।

गाउँ सहर संवाददाता