अर्थतन्त्र

तिहारपछि खुलेकाे शेयरबजार रंगिबिरंगी देखियाे, झण्डै साढे चार अर्बकाे काराेबार

काठमाडौं । तिहार पछिको खुलेकाे शेयरबजारकाे पहिलो कारोबाको दिन आज सोमबार नेप्से दोहोरो अंकको गिरावट आएको छ । यसदिन नेप्से १९.२० अंकले घटेर २८२९.६५ विन्दुमा पुगेको छ ।

आज नेप्सेमा ४ अर्ब ४२ करोड ७ लाख बराबरको कारोबार भएको छ । आज कारोबार भएका तीन समूह बाहेक अन्य सबै समूह घटेका छन् ।          

आज कारोबार भएका कम्पनीमध्ये पाँच कम्पनीको शेयरमूल्यमा उच्च बृद्धि भएको छ । शेयरमूल्यमा उच्च बृद्धि हुने साहस उर्जा कम्पनी, आइसीएफसी फाइनान्स, तेह्रथुम पावर कम्पनी, मानुषी लघुवित्त वित्तिय संस्था र महालक्ष्मी विकास बैंक रहेका छन् । आज यी कम्पनीहरुको शेयरमूल्य आज सर्किट लेभलमा बढेको छ ।

त्यस्तै, आज सपोर्ट माइक्रोफाइनान्स वित्तिय संस्थाको शेयरमूल्यमा सर्वाधिक गिरावट आएको छ । यस कम्पनीको शेयरमूल्य करिब ८ प्रतिशतले घटेको छ ।

कारोबारको आधारमा आज सबैभन्दा बढी कारोबार महालक्ष्मी विकास बैंकको भएको छ । यस बैंकको आज ५२ करोड भन्दा बढीको कारोबार भएको छ ।     

गाउँ सहर संवाददाता

तपाईँको मत