बागमती प्रदेशका मुख्यमन्त्री राजेन्द्रप्रसाद पाण्डेले आज विश्वासको मत लिँदै
- गाउँ सहर संवाददाता
- २२ कार्तिक सोमबार, २०७८ | ०८:२७:०० मा प्रकाशित
काठमाडौं । बागमती प्रदेशका मुख्यमन्त्री राजेन्द्रप्रसाद पाण्डेले आज विश्वासको मत लिँदै छन्। सत्तापक्षीय गठबन्धनबाट कात्तिक ११ गते बागमती प्रदेशको मुख्यमन्त्रीमा नियुक्त पाण्डेले आज ३ बजे बस्ने प्रदेशसभाको बैठकमा विश्वासको मत लिन लागेका हुन्।
बैठकमा पाण्डेको विश्वासको मतसम्बन्धी प्रस्तावमाथि छलफल हुने प्रदेशसभा सचिवालयले जनाएको छ। प्रदेशसभा सचिवालयमा विश्वासको मतसम्बन्धी प्रस्ताव कात्तिक १४ गते नै दर्ता गरिएको थियो। सचिवालयले आजै विश्वासको मतसम्बन्धी सम्पूर्ण प्रक्रिया अघि बढाउने तयारी गरिएको जनाएको छ।
नेकपा एकीकृत समाजवादीको संसदीय दलका नेता पाण्डेलाई नेकपा माओवादी केन्द्र, नेपाली कांग्रेस र जसपाले मुख्यमन्त्रीमा समर्थन गरेका थिए। सोहीअनुसार विश्वासको मतको पक्षमा यी नै दलहरुले मत दिनेछन्।
गठबन्धनमा रहेका माओवादी केन्द्रका २३ जना, कांग्रेसका २२ जना, नेकपा एकीकृत समाजवादीका १३ जना र जसपाका १ जनासहित ५९ जना सांसद रहेका छन्। मुख्यमन्त्री बनेका पाण्डेलाई सरकार जोगाउन वा बहुमतका लागि कम्तीमा ५५ जना सांसदको साथ भए पुग्छ।
मुख्यमन्त्री पाण्डेले विश्वासको मत पाएलगत्तै मन्त्रिपरिषद् विस्तार गर्ने बताइएको छ। उनले मुख्यमन्त्री नियुक्त भएकै दिन ३ जना मन्त्री नियुक्त गरेका थिए। जसमा कांग्रेस संसदीय दलका उपनेता कृष्णलाल भँडेललाई भौतिक पूर्वाधार विकास मन्त्रालय, माओवादी संसदीय दलका उपनेता कुमारी मोक्तानलाई सामाजिक विकास मन्त्रालय र नेकपा एकीकृत समाजवादी संसदीय दलका उपनेता कृष्णप्रसाद खनाललाई आन्तरिक मामिला तथा कानुन मन्त्रालयको जिम्मेवारी दिइएको थियो।
बागमती प्रदेशसभामा प्रतिपक्षी दलहरु एमालेका ४३, विवेकशील साझा पार्टीका ३, राप्रपा र नेमकिपाका २–२ सांसद रहेका छन्।
यसअघिकी मुख्यमन्त्री अष्टलक्ष्मी शाक्यले बहुमत गुमाएपछि पाण्डे मुख्यमन्त्री भएका हुन्।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
- ‘नेता कुटपिटमा हाम्राे कुनै संलग्नता छैन, झुठो आरोप लगाइयो’
- प्रतिनिधिसभा बैठक प्रत्यक्ष प्रसारण
- माओवादी उपाध्यक्ष कृष्णबहादुर महरा पक्राउ
प्रतिकृया दिनुहोस