स्वास्थ्य

लक्ष्मी पूजाकाे दिन ३५६ काेराेना संक्रमित थपिए, ५१८ ले गरे स्वास्थ्य लाभ

काठमाडौँ । नेपालमा कोरोनाबाट पछिल्लो २४ घण्टामा थप २ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ११ हजार ४३६ पुगेको छ ।

पछिल्लो २४ घण्टामा ६ हजार ३८४ को परीक्षण भएको छ हुँदा ३५६ संक्रमित थपिएका छन् ।

मन्त्रालयका अनुसार निको हुनेको संख्या गत २४ घण्टामा ५१८ छ । योसहित कुल निको हुनेको संख्या ७ लाख ९३ हजार ७८९ पुगेको छ । देशभरका क्वारेन्टाइनमा रहनेको संख्या ११८ छ ।

अहिलेसम्म पूर्ण खोप खोप लगाउनेको संख्या ७४ लाख ३० हजार ३०५ छ । मन्त्रालयका अनुसार संक्रमण दर १८.३ प्रतिशत र मृत्यु प्रति दश लाखमा ३७६.५ रहेको छ ।

अहिले ५०० भन्दा बढी संक्रमित रहेका जिल्लाहरु ३ छन् भने २०० माथि संक्रमित रहेका ९ जिल्लाहरु छन् । तर मुगु र हुम्ला शुन्य संक्रमित रहेका जिल्ला बनेकाे मन्त्रालयले बताएकाे छ ।

देशमा अहिले सक्रिय संक्रमित ८ हजार ८९० रहेकाे छ ।

गाउँ सहर संवाददाता