अर्थतन्त्र

नबिल बैंकले गर्याे ३८ प्रतिशत लाभांश प्रस्ताव

• गाउँ सहर संवाददाता
• १६ कार्तिक मंगलबार, २०७८ | २०:०२:०० मा प्रकाशित

काठमाडौँ । नबिल बैंक लिमिटेडले गत आर्थिक वर्ष २०७७/ ७८ को सञ्चित मुनाफाबाट कुल ३८ प्रतिशत लाभांश प्रस्ताव गरेको छ ।

कम्पनीको मंगलवार बसेको सञ्चालक समितिको बैठकले हाल कायम चुक्तापूँजीको आधारमा ३३ दशमलव ६ प्रतिशत बोनस शेयर र कर प्रयोजनका लागि समेत ४ दशमलव ४ प्रतिशत नगद लाभांश वितरणको प्रस्ताव गरेको हो ।

हाल कम्पनीको चुक्तापूँजी रू. १३ अर्ब ८४ करोड ४४ लाख ५१ हजार रहेको छ । सोही पूँजीको आधारमा कम्पनीले लाभांश वितरणको तयारी गरेको हो ।

प्रस्तावित लाभांश नेपाल राष्ट्र बैंकको स्वीकृति पश्चात बैंकको आगामी साधारण सभाले पारित गरेपछि वितरण हुनेछ ।

हालसम्म घोषणा गरेका वाणिज्य बैंकहरुको भन्दा नबिल बैंकको लाभांश सर्वाधिक रहेको छ ।