गाउँ सहर

काठमाडाैंबाट ११ जना अफगानी शरणार्थी पक्राउ, कसरी भित्रिए नेपाल ?

• गाउँ सहर संवाददाता
• ८ कार्तिक सोमबार, २०७८ | ११:४४:०० मा प्रकाशित

काठमाडाैं । काठमाडाैंको सिनामङ्गलबाट ११ जना अफगानी शरणार्थी पक्राउ परेका छन्  ।

ब्युरोको टोलीले सोमबार बिहान सिनामङ्गलस्थित उनीहरु बसेको घरमा छापा हानेर पक्राउ गरेको हो ।

सुनौली नाकाबाट गैरकानुनी रूपमा नेपाल भित्रिएर काठमाडौं आइपुगेका उनीहरु सिनामंगलस्थित एक घरमा बसेका थिए । उनीहरुलाई अध्यागमन विभागलाई बुझाउने तयारी भएको ब्युरोले जनाएको छ ।

केन्द्रीय अनुसन्धान ब्युरोकाअनुसार पक्राउ परेकाहरुबारे थप अनुसन्धान भइरहेको छ ।

तालिबानले अफगानिस्तानको सत्ता कब्जा गरेपछि उनीहरु शरण खोज्दै नेपाल आएका हुन सक्ने बुझिएको छ । उनीहरुलाई अध्यागमन विभागलाई बुझाउने तयारी भएको ब्युरोले जनाएको छ ।

गैरकानुनी रूपमा भित्रिने तेस्रो देशका नागरिकमाथि निगरानी बढाउन सरकारले  दक्षिणतर्फका सबै सीमानाकामा सुरक्षा जाँचलाई कडा पारेको छ ।