राजनीति

एमालेको १० औं महाधिवेशन चितवनमा, बादलकाे नेतृत्वमा २१ सदस्यीय मूल व्यवस्थापन समिति गठन

काठमाडौं । नेकपा एमालेले १० औँ राष्ट्रिय महाधिवेशन चितवनमा गर्ने निर्णय गरेको छ ।

आजको बसेको स्थायी कमिटी बैठकले पार्टीको आगामी महाधिवेशन चितवनमा गर्ने निर्णय गरेको हो ।

एमालेको १० औँ महाधिवेशन आगामी मंसिर १०, ११ र १२ गते हुँदैछ ।

महाधिवेशनका लागि स्थायी कमिटी सदस्य रामबहादुर थापा 'बादल' को नेतृत्वमा २१ सदस्यीय मूल व्यवस्थापन समितिसमेत गठन गरिएको प्रवक्ता प्रदीप ज्ञवालीले जानकारी दिए । उनका अनुसार समितिमा योगेश भट्टराई, सुरेन्द्र पाण्डे, राजन भट्टराई, काशीनाथ अधिकारी, देवी ज्ञवाली, सीता पोखरेल, आनन्द पोखरेल, कृष्णभक्त पोखरेललगायत छन् । समितिमा ७ वटै प्रदेश र सम्पर्क समन्वय कमिटीबाट एक/एक जना प्रतिनिधि रहने ज्ञवालीले बताए ।

यसअघि एमालेले कात्तिक ६ गते देशैभर वडा अधिवेशन गर्ने र कात्तिक ९ गते पालिका अधिवेशन गर्ने बताइसकेको छ ।

गाउँ सहर संवाददाता

तपाईँको मत