खेल

नेपाली यू–२३ राष्ट्रिय फुटबल टिमको घोषणा, काे काे परे ?

• गाउँ सहर संवाददाता
• १ कार्तिक सोमबार, २०७८ | ०६:२०:०० मा प्रकाशित

काठमाडौं ।  एएफसी यू–२३ एसियन कप छनोटका लागि नेपाली यू–२३ राष्ट्रिय फुटबल टिमको घोषणा भएको छ ।

उज्वेकिस्तानमा सन् २०२२ मा आयोजना हुने प्रतियोगिताका लागि मुख्य प्रशिक्षक बाल गोपाल महर्जनले आइतबार छनोटका लागि २३ सदस्यीय नेपाली टिमको घोषणा गरेका हुन् । 

छनोटको समूह ‘बी’मा रहेको नेपालको समूहमा ताजिकिस्तान, लेबनान र इरान रहेका छन् ।

समूह ‘बी’ छनोट खेल अक्टोबर २३ देखि ३१ सम्म हुनेछ । यस समूहमा रहेको नेपालले पहिलो खेलमा इरानसँग प्रतिस्पर्धा गर्नेछ । यस्तै दोस्रो खेलमा ताजिकिस्तानसँग खेल्दा अन्तिम खेल लेबनानसँग खेल्नेछ ।

छनोटका ११ समूहको शीर्ष टोलीले एएफसी यू–२३ एसियन कप खेल्नेछन् । यस्तै दोस्रो टोली मध्ये उत्कृष्ट चार टोली पनि यू–२३ एसियन कपमा छनोट हुनेछन् ।

नेपाली टिम :
मनिष डाँगी, अविशेक रिजाल, अर्पण कार्की, विशाल सुनार, अविशेक बराल, ऋतिक खड्का, दर्शन गुरुङ, सुमन अर्याल, गौतम श्रेष्ठ, एरिक विष्ट, राजन गुरुङ, शिव गुरुङ, रन्दिप पौडेल, अनिल महर्जन, अविशेक लिम्बु, नितिन थापा, सुरज ज्यु ठकुरी, आयुस घलान, सेसेहाङ आङ्देम्बे, राजिब लोप्चन, शिशिर लेखि, आकाश बुढा मगर, रोशन पहाडी ।