स्वास्थ्य

काेभिड-१९ विरूद्धकाे खाेप कहाँ - कति लगाइयाे ? पूर्ण विवरण यस्ताे छ

• गाउँ सहर संवाददाता
• २२ असोज शुक्रबार, २०७८ | १६:३३:०० मा प्रकाशित

काठमाडाैँ । नेपालमा काेभिड-१९ विरूद्धकाे खाेपकाे पूर्ण मात्रा ६९ लाख ६२ हजार १६४ जनाले प्राप्त गरेका छन् जुन ३२ प्रतिशत हाे ।

नेपाल सरकार स्वास्थ्य तथा जनसंख्या मन्त्रालयका अनुसार खाेपकाे पहिलाे मात्रा लगाउनेकाे संख्या ८७ लाख २ हजार ७०५ रहेकाे छ जुन ४० प्रतिशत हाे ।

मन्त्रालयका अनुसार लक्षित जनसंख्या १८ वर्ष माथिका जुन २ कराेड १७ लाख ५६ हजार ७६३ हुन् ।

यस्तै काठमाडाैँ उपत्यकामा ७४ प्रतिशत अर्थात १५ लाख ७९ हजार ८९७ ले खाेप प्राप्त गरिसकेका छन् । यस्तै खाेपकाे पहिलाे मात्रा लगाउने ८१ प्रतिशत अर्थात १७ लाख ४५ हजार ५७० छन् । 

मन्त्रालयका अनुसार काठमाडाैँमा लक्षित जनसंख्या १८ वर्ष माथिका २१ लाख २९ हजार ७७३ हुन् ।