अर्थतन्त्र

मनकामना मैलुङ र स्वाभिमान लघुवित्तले कमाए, सेयर बजार रातै तरपनि ४ अर्ब ११ करोड ३८ लाख बढीकाे काराेबार

काठमाडौँ । नेपाल स्टक एक्सचेञ्ज (नेप्से) मा साताको कारोबारको पहिलो दिन आज आइतबार उच्च अंकको गिरावट आएको छ ।

आज नेप्से ५५.९३ अंकले घटेर दुई हजार पाँच सय ७७ दशमलब ५० विन्दुमा थामिएको छ ।

त्यस्तै, आज ४ अर्ब ११ करोड ३८ लाख १४ हजार २४६ बराबरको कारोबार भएको छ ।

नेप्सेका अनुसार आज कारोबार भएका कम्पनीमध्ये दुई कम्पनीको सेयरमूल्यमा उच्च वृद्धि भएको छ । सेयरमूल्य बढ्ने कम्पनीहरुमा मनकामना मैलुङ खोला जलविद्युत कम्पनी र स्वाभिमान लघुवित्त वित्तीय संस्था रहेका छन् । आज मैलुङ खोला जलविद्युत कम्पनीको सेयरमूल्य १० प्रतिशतले बढेको छ भने स्वाभिमान लघुवित्त वित्तीय संस्थाको सेयरमूल्य ६.५ प्रतिशतले बढेको छ ।

नेप्सेका अनुसार आज गुहेश्वरी मर्चेन्ट बैंक एण्ड फाइनान्स कम्पनी र रैराङ हाइड्रोपावर डेभलपमेन्ट कम्पनीका लगानीकर्ताले सर्वाधिक गुमाएका छन् । यी कम्पनीको सेयरमूल्य आज ९ प्रतिशत भन्दा बढीले घटेको छ । त्यस्तै, कारोबारको आधारमा आज सबैभन्दा बढी अपि पावर कम्पनीको भएको छ । यस कम्पनीको आज १५ करोड भन्दा बढीको कारोबार भएको छ ।

गाउँ सहर संवाददाता

तपाईँको मत