स्वास्थ्य

कोरोनाभाइरसका कारण पछिल्लो २४ घण्टामा थप १३ जनाको मृत्यु, निको हुनेको प्रतिशत ९६.३

काठमाडौँ । कोरोनाभाइरसका कारण पछिल्लो २४ घण्टामा थप १३ जनाको मृत्यु भएको छ । योसहित कुल मृतकको संख्या ११ हजार १४८ पुगेको छ ।

स्वास्थ्य तथा जनसंख्या मन्त्रालयका अनुसार १३ हजार ३६८ को परीक्षण गर्दा नयाँ १ हजार ६६ संक्रमित थपिएका छन् । योसहित कुल संक्रमितको संख्या पिसिआर परीक्षणबाट ७ लाख ९५ हजार ९५९ र एन्टिजेन विधिबाट ९१ हजार ७२१ पुगेको छ ।

मन्त्रालयका अनुसार पछिल्लो समयमा निको हुनेको संख्या ९३८ छ । योसहित कुल निको हुनेको संख्या ७ लाख ६६ हजार ६९६ पुगेको छ ।

मन्त्रालयका अनुसार अहिले ३५४ जना संक्रमित सघन र ११६ जनाको भन्टिलेटरमा उपचारार्थ छन् । देशभरका संस्थागत क्वारेन्टाइनमा रहनेको संख्या २४२, होम आइसोलेशनमा रहने १६ हजार ८८१ र संस्थागत आइसोलेशनमा १ हजार २३४ रहेका छन् ।

देशमा सक्रिय संक्रमण १८ हजार ११५ मा रहेको छ ।

मन्त्रालयका अनुसार निको हुनेको प्रतिशत ९६.३ छ । पूर्ण खोप लगाउनेको संख्या ६३ लाख २८ हजार ३२७ पुगेको छ । पछिल्लो २४ घण्टामा मात्र २ लाख १७ हजार ३९१ जनाले खोप लगाएका छन् ।

मन्त्रालयका अनुसार संक्रमण दर १८.९ प्रतिशत र मृत्यु प्रति दशलाखमा ३७५.७ रहेको छ । अझैपनि ९ जिल्लामा ५०० बढी संक्रमित र १९ जिल्लामा २०० बढी संक्रमित रहेका छन् ।

गाउँ सहर संवाददाता

तपाईँको मत