राजनीति

बेदुराम भुसाल एकीकृत समाजवादीको महासचिव, रामकुमारी झाँक्री सचिव

• गाउँ सहर संवाददाता
• ७ असोज बिहीबार, २०७८ | ११:४०:०० मा प्रकाशित

काठमाडाैं । माधव नेपाल नेतृत्वको नेकपा एकीकृत समाजवादीले पदाधिकारीको टुंगो लगाएको छ ।

एकीकृत समाजवादीको काठमाडौंमा जारी केन्द्रीय समिति बैठकले पदाधिकारीको नाम अनुमोदन गर्न लागेको हो।

एकीकृत समाजवादीको महासचिवमा बेदुराम भुसाल चयन भएका छन् ।

पार्टीले चार जना उपाध्यक्ष बनाएको छ । राजेन्द्र पाण्डे, प्रमेश हमाल, धर्मनाश शाह र जयन्ती राई उपाध्यक्ष भएका छन् ।

उपमहासचिवमा प्रकाश ज्वाला, गंगालाल तुलाधार र विजय पौडेल चयन भएका छन् ।

त्यस्तै समाजवादीले चार जना नै सचिव बनाएको छ । जगन्नाथ खतिवडा, केशवलाल श्रेष्ठ, नागेन्द्र चौधरी र रामकुमारी झाँक्री सचिव भएका छन् । 

नेकपा एसको अध्यक्ष माधव नेपाल र वरिष्ठ नेता झलनाथ खनाल छन् ।

त्यस्तै नेकपा एसको स्थायी कमिटीमा ३१ सदस्य रहने छन् ।