‘मिठा मिठा बात’ लिएर आए डा. आदित्य जोशी (भिडियाेसहित)

कला

काठमाडौं । वरिष्ठ बालरोग विशेषज्ञ डा. आदित्य जोशीकाे ‘मिठा मिठा बात’ गीत सार्वजनिक भएको छ ।

पेशाले चिकित्सक समेत रहेका डा.जोशीको उक्त गीतमा गायिका नेहारिका ज्ञवाली र गायक प्रताप दासले स्वर दिएका छन् ।

अमेरिकी नागरिक नन्दन नयरको संगीत तथा एरेन्ज रहेको मिठा मिठा बात बोलको गीत प्रभावनले निर्देशन गरेका छन् ।

उक्त गीतको म्युजिक भिडियोमा सन्तोष बानियाँ र नेहारिकाको नृत्य रहेको छ ।

भिडियोको छायांकन ज्ञानेन्द्र शर्माले गरेका हुन् ।

डा. जोशीका पुराना गीत देशको लागि आउँछ मलाई याद भन्ने बोलको गीत पहिले निकै राम्रो चर्चामा आएको थियो ।

यस्तै गरी हिन्दीमा पनि देश कि लागेहे मोह याद र लम्बी हाये जस्ता गीतहरु पनि पहिला सार्वजनिक भइसकेका छन् ।

डा. जोशी ‘मिठा मिठा बात’ गीतबाट माया प्रेम, सदभावको विकास, सुख दुख गरेर सँगै बस्न जस्ता शब्दसँग मेल खाएको बताउँछन् ।‌

यो गीत यूट्युब च्यानलबाट पनि सार्वजनिक भएको छ ।

सुदुरपश्चिमको बैतडी जिल्लामा जन्मिएका डा. जोशी निकै सहयोगी, मिलनसार र सामाजिक अभियान्ताको रुपमा परिचित छन् ।

डा. जोशी एक दशक देखि अमेरिकामा बसाेबास गर्दै आएका छन् ।