राजनीति

कांग्रेसले काठमाडौँमा असोज ५ गते वडा अधिवेशन गर्ने

• गाउँ सहर संवाददाता
• ३१ भदौ बिहीबार, २०७८ | १३:४४:०० मा प्रकाशित

काठमाडौँ । नेपाली कांग्रेसले काठमाडौँमा असोज ५ गते वडा अधिवेशन गर्ने भएको छ ।

बुधबार क्रियाशील सदस्यता सार्वजनिक भएपछि वडा तहको अधिवेशनको मिति तय भएको हो ।

केन्द्रीय निर्वाचन समितिले काठमाडौँसहितका दश जिल्लाको क्रियाशील सदस्यता बुधबारमात्रै सार्वजनिक गरेको छ ।

असोज ५ गते काठमाडौँ महानगरपालिकासहित अरु १० वटा नगरपालिकाका १३८ वटा वडामा एकसाथ अधिवेशन हुनेछ ।

पछिल्लो अधिवेशन कार्यतालिकाअनुसार वडा तहको अधिवेशन असोज ५ गतेसम्म गर्न समय दिइएको छ ।

साविकको कार्यतालिकाअनुसार भदौ १८ गते नै सुरु भएको अधिवेशन शनिबार (भदौ २६ गते) सक्ने योजना थियो ।

त्यस्तै गाउँपालिका वा नगरपालिकाको अधिवेशन भदौ ९ गते, प्रदेशसभा क्षेत्रीय अविधेशन १२ गते र प्रतिनिधिसभा क्षेत्रीय अधिवेशन र एकमात्र प्रतिनिधिसभा निर्वाचन क्षेत्र भएको जिल्लामा असोज १५ गते अधिवेशन गर्ने नयाँ कार्यतालिका आएको छ ।

त्यसैगरी एकभन्दा बढी प्रतिनिधिसभा निर्वाचन क्षेत्र भएको जिल्लामा असोज १८ गते अधिवेशन गर्नुेपर्ने, प्रदेश तहको अधिवेशन कात्तिक १०, ११ र १२ गते हुनेछ ।

महाधिवेशन मंसिर ९ देखि १३ गतेसम्म हुनेछ ।