अर्थतन्त्र

सोमवार सुनको मूल्यमा झिनो गिरावट

काठमाडौँ । नेपाली बजारमा सोमवार सुनको मूल्यमा झिनो गिरावट आएको छ । आइतवार रू. ६०० ले बढेको सुनको भाउ सोमवार रू. १०० ले घटेको हो ।

नेपाल सुनचाँदी व्यवसायी महासंघका अनुसार सोमवार छापावाला सुन प्रतितोला रू. ९१ हजार ४०० मा कारोबार भएको छ । आइतवार छापावाला सुनको मूल्य प्रतितोला रू. ९१ हजार ५०० मा कारोबार भएको थियो । आइतवारको तुलनामा सोमवार छापावाला सुन प्रतितोला रू. १०० ले घटेको हो ।

त्यसैगरी, तेजाबी सुन प्रतितोला रू. ९० हजार ९०० मा कारोबार भएको छ । आइतवार तेजाबी सुन प्रतितोला रू. ९१ हजारमा कारोबार भएको थियो ।

यस्तै, सोमवार चाँदीको मूल्य भने स्थिर रहेको छ । आइतवार प्रतितोला रू. १ हजार २३० मा कारोबार भएको चाँदी सोमवार सोही मूल्यमा किनबेच भइरहेको छ ।

गाउँ सहर संवाददाता