राजनीति

मन्त्री नपाउने भएपछि रामेछापका पौडेलले अन्तिम घडीमा माधव नेपालको साथ छाडे

• गाउँ सहर संवाददाता
• १५ भदौ मंगलबार, २०७८ | १६:३३:०० मा प्रकाशित

रामेछाप । रामेछापबाट निर्वाचित नेकपा एमालेका सांसद शान्तिप्रसाद पौडेलले माधवकुमार नेपालकाे साथ छाडेका छन् । 

मन्त्रीको बार्गेनिङ गरेका वाग्मती प्रदेश सांसद पाैडेलले मन्त्री पद नपाउने छाँटकाँट देखेपछि अन्तिम घडीमा नेपालकाे साथ छाडेकाे बताइएकाे छ । 

प्रदेशसभा सदस्यहरूले नेकपा एसको पक्षमा सनाखत गर्ने बेलामा उनी हेटौंडा नगइ रामेछापतर्फ लागेका छन् ।

उनी जेठ २ अघिका एमाले रामेछापको अध्यक्ष हुन् । यसअघि उनले उनी माधव नेपालकाे पक्षमा थिए भने पार्टी विभाजनपछि एमालेमै रहने कि नेकपा एसमा जाने भन्ने निर्णय गरेका थिएनन् ।

१० बुँदे सहमति कार्यन्वयन भएर आफू एमालेको अध्यक्षको भूमिकामा फर्किन पाइने भएपछि पौडेलले माधव समूह छाडेका हुन् ।

नेकपा एकतापछि माओवादीले अध्यक्ष पाउँदा उनी सचिव थिए । एमाले ब्युँतिएपछि उनी माधव नेपाल समूहमा थिए । 

यसअघि उनी केपी शर्मा ओलीको कडा विराेध गर्दै आएका थिए । 

स्मरण रहाेस् यसअघि वाग्मती प्रदेशका आर्थिक मामिला तथा योजना मन्त्रालय उनकै समकक्षी कैलाश प्रसाद ढुङ्गेल थिए ।