गाउँ सहर

मनाङ र मुस्ताङमा १८ वर्ष भन्दामाथिका सबै नागरिकलाई कोभिड–१९ विरुद्धको खोप

काठमाडौँ । मनाङपछि छिमेकी जिल्ला मुस्ताङ पनि १८ वर्ष भन्दामाथिका सबै नागरिकलाई कोभिड–१९ विरुद्धको खोप लगाउने जिल्ला बनेको छ ।

स्वास्थ्य कार्यालय मुस्ताङका प्रमुख टीकाराम भण्डारीका अनुसार जिल्लाका १८ वर्षभन्दा माथिका ९ हजार ३ सय नागरिकलाई खोप दिइएको हो । मुस्ताङमा विभिन्न क्षेत्रमा काम गर्न बाहिरी जिल्लाबाट पुगेका २ सय नागरिकलाई पनि खोप दिइएको छ ।

योसँगै मुस्ताङमा पूर्ण खोप पाउनेको संख्या ९ हजार ५ सय पुगेको हो ।

भण्डारीका अनुसार जिल्लामा जोनसन एण्ड जोनसनको खोप लगाउने ६ हजार ७ सय, भेरोसेल खोपको पूर्ण डोज लगाउने ३ सय २० र कोभिशिल्ड खोपको पूर्ण डोज लगाउने २ हजार ४ सय ७२ जना रहेका छन् ।

मुस्ताङमा कोरोना संक्रमणको दोस्रो लहरमा ५ सय २५ जना संक्रमित भएका थिए भने १५ जनाको मृत्यु भएको थियो । जिल्लामा अहिले २३ जना सक्रिय संक्रमित छन् । मुस्ताङमा गत १४ माघदेखि खोप अभियान सुरु भएको थियो ।

गाउँ सहर संवाददाता

तपाईँको मत