राजनीति

कांग्रेसको क्रियाशील छानबिन समितिलाई विवाद समाधान गर्न भाेली दिउँसो २ बजेसम्मकाे समय

काठमाडाैं । कांग्रेसको पदाधिकारी तथा पूर्वपदाधिकारीको बैठकले क्रियाशिल छानबिन समितिलाई थप एक दिन समय उपलब्ध गराएको छ ।

समितिले मंगलबार प्रतिवेदन बुझाए पनि विवाद रहेका निर्वाचन क्षेत्रको समाधान गरी बिहीबार दिउँसो २ बजेसम्म टुंग्याउन समय दिइएको प्रवक्ता विश्वप्रकाश शर्माले जानकारी दिए ।

प्रवक्ता शर्माले भने, ‘छलफलबाट भोलि दिउँसोसम्म परिमार्जन गरेरका प्रतिवेदन बुझाउन छानबिन समितिलाई समय दिइएको छ ।’

नेता रमेश लेखक नेतृत्वको छानबिन समितिले बुझाएको प्रतिवेदनमा अझै पनि १६ वटा निर्वाचन क्षेत्रको क्रियाशिल विवाद रहेको शर्माले बताए । ती क्षेत्रमा संभव भएसम्म विवाद समाधान गरेर अन्तिम प्रतिवेदन बुझाउन छानबिन समितिमै पठाइएको हो ।

बारा, सर्लाही, धनुषा, सिन्धुपाल्चो, रसुवालगायका जिल्लामा रहेको विवादलाई छानबिन समितिले टुंग्याउन नसकेको सभापति शेरबहादुर देउवालाई मंगबार बुझाएको प्रतिवेदनमा उल्लेख छ ।

१३औँ महाधिवशेनमा ३३ वटा निर्वाचन क्षेत्रमा पुरानै क्रियाशिल सदस्यतालाई मान्यता दिएर महाधिवेशन गरिएको उल्लेख गर्दै यसपटक विवादित ठाउँमा अधिकत प्रयास गर्दा पनि संभव भएन भने त्यस्तै गर्न सकिने विकल्पमाथि कांग्रेस नेताहरुको बैठकमा छलफल भएको छ ।

बिहीबारको बैठकले स्थगित भएको तल्ला तहको अधिवेशनको नयाँ मिति तय गर्ने दाबी गरिएको छ ।

गाउँ सहर संवाददाता

तपाईँको मत