अर्थतन्त्र

सुनकाे मूल्य बढ्दा चाँदीकाे घट्याे

• गाउँ सहर संवाददाता
• ४ श्रावण सोमबार, २०७८ | १२:०७:०० मा प्रकाशित

काठमाडौं– नेपाली बजारमा आइतबार ओरालो लागेको सुनको मूल्य साेमबार पुनः बढेको छ । स्थानीय बजारमा आइतवार ६ सय रुपैयाँले घटेको सुनको मूल्य सोमवार २ सय रुपैयाँले बढेको हो । 

सोमवार छापावाला सुन प्रतितोला ९२ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

त्यसैगरी, तेजाबी सुन प्रतितोला ९२ हजार ३ सय रुपैयाँमा कारोबार भइरहेको महासंघले जनाएको छ । 

यस्तै, सोमवार चाँदीको मूल्य भने घटेको छ । आइतवार प्रतितोला १२ सय ९५ रुपैयाँमा कारोबार भएको चाँदी सोमवार १२ सय ९० रुपैयाँमा खरीदविक्री भइरहेको महासंघले जनाएको छ ।

आइतवारको तुलनामा सोमवार चाँदीको मूल्य रू. ५ ले घटेको हो ।