स्वास्थ्य

काेराेना अपडेटः थप २१६४ संक्रमणमुक्त, १८७५ जनामा कोरोना संक्रमण, २१ जनाको मृत्यु

• गाउँ सहर संवाददाता
• २ श्रावण शनिबार, २०७८ | १६:४९:०० मा प्रकाशित

काठमाडौं । नेपालमा पछिल्लो २४ घन्टामा थप १ हजार ८ सय ७५ जनामा कोरोना संक्रमण पुष्टि भएको छ ।

स्वास्थ्य मन्त्रालयका अनुसार गत २४ घण्टामा देशभर २१ जना संक्रमितको मृत्यु भएको छ । यससँगै देशभर हालसम्म कोभिडबाट मृत्यु हुनेको संख्या ९ हजार ५ सय २७ पुगेको छ ।

देशभर हाल २५ हजार ९५२ जना सक्रिय संक्रमित छन् । शनिबार २ हजार १ सय ६४ संक्रमणमुक्त भएका छन् ।

यस्तै गत २४ घण्टामा ६ हजार ८५८ पीसीआर तथा ३ हजार २०८ एन्टिजेन परीक्षण गरिएको छ ।

त्यसैगरि, पछिल्लो २४ घण्टामा काठमाडौँ उपत्यकामा थप ४२८ जना कोरोना संक्रमित थपिएका छन् ।

स्वास्थ्य मन्त्रालयका अनुसार काठमाडौँमा २९९, भक्तपुरमा ५२ र ललितपुरमा ७७ जना संक्रमित थपिएका हुन् ।