स्वास्थ्य

कोरोनाबाट थप १८ जनाको मृत्यु, निको हुनेभन्दा दोब्बर बढी थपिए नयाँ संक्रमित

• गाउँ सहर संवाददाता
• २८ असार सोमबार, २०७८ | १६:५८:०० मा प्रकाशित

काठमाडौँ । नेपालमा कोरोनाबाट अहिलेसम्म ९ हजार ४०० को मृत्यु भएको छ । कुल संक्रमित ६ लाख ५७ हजार १७३ र एन्टिजेन विधिबाट ४४ हजार ३१९ पुगेका छन् भने निको हुने ६ लाख २१ हजार २७ छन् ।

पछिल्लो २४ घण्टामा मात्र १८ जना कोरोना संक्रमितको मृत्यु भएको छ । पछिल्लो २४ घण्टामा ११ हजार ५८४ को परीक्षण हुँदा २ हजार ३७० संक्रमित थपिएका छन् । 

अहिलेसम्म भएका परीक्षण र पहिचान भएका संक्रमितमध्ये ५४९ सघनमा र १६३ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार १३३ छ ।  जुन ९४.५ प्रतिशत हो ।

आजसम्म ३४ लाख २३ हजार १६४ जनाको पिसिआर परीक्षण भएको छ भने एन्टिजेन विधिबाट २ लाख ३८ हजार ६७२ को परीक्षण भएको छ । देशभरका क्वारेन्टाइनमा रहनेको संख्या २९९ र होम आइसोलेशनमा रहेको संख्या २३ हजार ९४७ छ भने संस्थागत आइसोलेशनमा रहेको संख्या २ हजार ७६५ छ । देशमा सक्रिय संक्रमितको संख्या २६ हजार ७१२ रहेको छ । 

पछिल्लो समय निषेधाज्ञा खुलेसंगै कोभिड परीक्षण घटेको छ भने संक्रमणको दर दैनिक वृद्धि हुँदै गएको छ । तर मृत्यु भने घटेको छ । अहिलेपनि २० देखि ६० वर्ष उमेर समूहमा संक्रमण उचो छ ।

गाउँमा संक्रमण बढेको मन्त्रालयले बताएको छ ।

अहिलेसम्म कोरोनाविरुद्धको दोस्रो मात्राको खोप प्राप्त गर्नेको संख्या १० लाख ७९ हजार १९२ पुगेको मन्त्रालयले जनाएको छ ।