सोमबारको कारोबारमा नेप्से परिसूचक ४५ अंकले घट्याे
- गाउँ सहर संवाददाता
- २८ असार सोमबार, २०७८ | १५:३२:०० मा प्रकाशित
काठमाडाैं । साताको पहिलाे दिन आइतबार बढेकाे शेयर नेप्से परिसूचक दाेस्राे कारोबार दिन ओरालो लागेको छ ।
सोमबारको कारोबारमा नेप्से परिसूचक ४५.०६ अंकले घटेर २८५४.७० विन्दुमा सीमित भएको छ ।
सर्वोच्च अदालतले प्रधानमन्त्री केपी शर्मा ओलिको सिफारिसमा राष्ट्रपति विद्यादेवी भण्डारीले गरेको प्रतिनिधिसभा विघटनलाई बदर गरी संसद पुनःस्थापना गर्ने आदेश दिएसँगै यस दिन बजार ओरालो लागेको थियो । फैसला गरेसँगै त्यसको असर सेयर बजारका लगानीकर्तामा देखिएको छ ।
सूचक ओरालो लागेपनि यस दिन कारोबार रकममा भने सुधार देखिएको छ । सोमबार बजारमा २२९ कम्पनीको ९२ हजार १९२ पटकको कारोबारमा ९ अर्ब ९८ करोड २६ हजार रुपैयाँ बराबरको २ करोड ६० लाख २१ हजार कित्ता शेयर खरिदबिक्री भएको छ ।
यो दिन ३१ वटा कम्पनीको मात्रै सेयर मूल्य बढेको छ भने १८६ वटा कम्पनीको सेयर मूल्य घटेको छ । त्यसैगरी ११ वटा कम्पनीको सेयर मूल्य स्थिर छ ।
यो दिनको कारोबारमा सबैभन्दा बढी कमाउने कम्पनीमा समृद्धि फाइनान्स, सप्तकोसी विकास बैंक, मल्टिप्रपोज फाइनान्स कम्पनी, सेञ्चुरी बैंकलगायतका कम्पनीको सेयर मूल्य बढेको छ भने सबैभन्दा बढी गुमाउने कम्पनीमा युनियन हाइड्रोपावर, खानीखोला हाइड्रोपावर, ओरियन्टल होटल्स, माहुली सामूदायिक लघुवित्तलगायतका कम्पनी छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस