स्वास्थ्य

काेराेनाबाट मृत्यु हुने ४० लाख नाघे, १७ कराेड माथि निकाे भए

• गाउँ सहर संवाददाता
• २८ असार सोमबार, २०७८ | ०७:४७:०० मा प्रकाशित

काठमाडाैँ । काेराेनाभाइरसबाट विश्वमा अहिलेसम्म मृत्यु हुनेकाे संख्या ४० लाख ४९ हजार ७१ पुगेकाे छ । यस्तै कुल संक्रमण १८ कराेड ७६ लाख ३२ हजार ७५६ पुग्दा निकाे हुनेकाे संख्या १७ कराेड १५ लाख ८४ हजार २१८ पुगेकाे छ ।

वर्ल्डाेमिटर्स डट इन्फाेकाेराेनाभाइरसकाे अपडेटनुसार विश्वमा काेराेनाकाे सक्रिय संक्रमण १ कराेड १९ लाख ९९ हजार ४६७ मा छ । जसमा ७८ हजार २९२ काे अवस्था चिन्ताजनक छ । 

काेराेनाले २२२ देश तथा भूभागमा नराम्ररी चाेट पुर्याएकाे छ भने कराेडाैँकाे राेजगारी चुँडेकाे छ ।

पछिल्ला दिनमा संक्रमण कम हुँदै गएपछि निषेधाज्ञा केहि खुकुलाे हुँदै गएका छन् तर काेराेनाकाे नयाँ नयाँ स्वरूपले झनै गाज्दै गएकाे छ ।

नेपालमा पछिल्लाे २४ घण्टामा थप २० जनाकाे मृत्यु भएकाे छ । देशमा अहिले सक्रिय संक्रमितकाे संख्या २६ हजार १७३ रहेकाे स्वास्थ्य तथा जनसंख्या मन्त्रालयले जनाएकाे छ ।