प्रेरणा

शैक्षिक सामग्री एवम् उपचारका लागि लायन्सको  सहयोग 

• गाउँ सहर संवाददाता
• १८ असार शुक्रबार, २०७८ | १९:५०:०० मा प्रकाशित

पोखरा । सेवामा समर्पित लायन्स क्लव अफ पोखरा चौतारीले पोखरा २१ कृष्ति नाच्नेचौरस्थित भविष्य निर्माण माध्यमिक विद्यालयका विद्यार्थीलाई आर्थिक सहयोग एवम् शैक्षिक सामग्री उपलव्ध गराएको छ ।

विद्यालयमा आयोजित एक कार्यक्रमका बीच क्लवद्धारा कक्षा दशमा अध्ययनरत मुखमा ट्यूमर पलाएकी विद्यार्थी भगवती खत्रीको उपचारार्थ रु.५० हजार, २३ हजार ५८५ रुपैया बरावरका ३५ थान अग्रेजी माध्यमका पुस्तक तथा १० थान झोला हस्तान्तरण गरिएको हो ।

कार्यक्रममा लायन्स मोहनबाबु खड्काले अतिविपन्न एवम् जेहेन्दार विद्यार्थी डिप्सन जिसीको अभिभावकत्व समेत ग्रहण गरे । उक्त विद्यालयको कक्षा तीनमा अध्ययनरत जिसीको दश जोड दुईसम्मको सम्पूर्ण पढाई खर्च व्यहोर्ने उनले घोषणा गरे ।

नेपाल उद्योग बाणिज्य महासंघ गण्डकी प्रदेशका अध्यक्ष सञ्जीव बहादुर कोइरालले अग्रेजी किताव उपलव्ध गराइएका १५ जना विपन्न विद्यार्थीलाई थप शैक्षिक सामग्री खरिदका लागि जनही एक  एक हजारका दरले १५ हजार रुपैया हस्तान्तरण गरेका थिए ।

पोखरा महानगरपालिकाको सहकार्यमा लेखनाथमा सञ्चालित कोभिड अस्पताल सञ्चालनका लागि लायन्स क्लवहरुको सकृयतामा एक करोड ३० लाख रुपैया आर्थिक सहयोग गरिएको लायन्स किशोर बरालले सो अवसरमा  जानकारी दिएका थिए । 

विद्यालय व्यवस्थापन समितिका अध्यक्ष कमल भुजेलले लायन्स क्लव अफ पोखरा चौतारीले विद्यार्थी भगवती खत्रीको उपचार लगायत विद्यालयको प्रत्येक क्षेत्रमा पु¥याउँदै आएको सहयोगको सराहना गर्दै आगामी दिनमा पनि सहयोगले निरन्तरता पाउने विश्वास व्यक्त गरे ।