अर्थतन्त्र

नेप्से दाेहाेराे अंकले बढेपनि काराेबार रकम बढ्न सकेन

काठमाडौं । आइतबार नेप्से परिसूचक दाेहाेराे अंकले बढेकाे छ । नेप्से बढेपनि काराेबार रकम भने बढ्न सकेन । 

यसदिन नेप्से २७.३८ अंकले बढेर २८७०.३८ विन्दुमा पुगेको छ ।

२२७ वटा कम्पनीको २ करोड ९ लाख ७४ हजार ३७७ कित्ता शेयर ७ अर्ब १६ करोड ७४ लाख ३२ हजार ७२८ रुपैयाँमा खरिद बिक्री भएको छ । गत बिहीबार ८ अर्ब बढीको शेयर कारोबार भएको थियो । गत केही दिन यता कारोबार रकम निरन्तर घट्दो क्रममा छ ।

यो दिन १०२ वटा कम्पनीको सेयर मूल्य बढेको छ भने ११४ वटा कम्पनीको सेयर मूल्य घटेको छ । त्यसैगरी ११ वटा कम्पनीको सेयर मूल्य स्थिर छ ।

सब इन्डेक्सतर्फ जलविद्युत् र बैंकिङ समूहमा वृद्धि देखिएको छ भने विकास बैंक, होटल तथा पर्यटन र फाइनान्समा गिरावट देखिएको छ ।

यस दिन सेञ्चुरी कमर्शियल बैंक र अपर तामाकोशी हाइड्रोपावरको शेयरमूल्य उच्च अंकले बढेकाे छ भने युनाइटेड इदि मर्दि हाइड्रोपावर, रिद्धि हाइड्रोपावरको शेयर पनि ६ प्रतिशत भन्दा बढिले बढेकाे छ । 

यसदिन गोर्खाज फाइनान्सको शेयरमूल्य सबैभन्दा धेरै ४.३७ प्रतिशतले घटेको छ । त्यसैगरि प्रोग्रेशिभ फाइनान्स, रिलायन्स फाइनान्स, नारायणि डेभलपमेन्ट बैंक र युनियन हाइड्रोपावरको शेयरमूल्य पनि घटेकाे छ । 

आइतबार नेश्नल हाइड्रोपावर कम्पनी, सेञ्चुरी कमर्शियल बैंक, नेपाल पुनर्बीमा कम्पनीको सबैभन्दा धेरै शेयर कारोबार भएको छ ।

गाउँ सहर संवाददाता

तपाईँको मत