११ महिनामा १३ खर्ब ८५ अर्बको आयात, १२ खर्ब ६२ अर्ब नाघ्यो व्यापार घाटा
- गाउँ सहर संवाददाता
- ९ असार बुधबार, २०७८ | १८:४७:०० मा प्रकाशित

काठमाडौं । चालु आर्थिक वर्षको ११ महिनामा मुलुकको व्यापार घाटा साढे १२ खर्ब नाघेको छ । भन्सार विभागले बुधबार २०७७ साउनदेखि २०७८ जेठसम्म भएका आयात-निर्यातको तथ्यांक सार्वजनिक गर्दै उक्त जानकारी दिएको हो ।
विभागको तथ्यांकअनुसार जेठ मसान्तसम्म मुलुकको कूल व्यापार घाटा १२ खर्ब ६२ अर्ब ११ करोड रुपैयाँ पुगेको छ । यो रकम गत वर्षको सोही अवधिको तुलनामा २४.६१ प्रतिशतले बढी हो । गत वर्षको जेठ मसान्तसम्म कूल व्यापार घाटा १० खर्ब १२ अर्ब ८१ करोड रुपैयाँ रहेको थियो ।
विभागका अनुसार चालु आवको ११ महिना (जेठ मसान्त)सम्म नेपालमा १३ खर्ब ८३ अर्ब ३६ करोड ४९ लाख रुपैयाँ बराबरको वस्तु भित्रिएको छ । सोही अवधिमा नेपालबाट जम्मा एक खर्ब २१ अर्ब २५ करोड ३९ लाख रुपैयाँ बराबरको वस्तु निर्यात भएको छ ।
उक्त अवधिमा निर्यात ३७.७८ प्रतिशत र आयात २५.६७ प्रतिशतले बढेको विभागले जनाएको छ ।
यो अवधिमा सबैभन्दा धेरै डिजेल आयत भएको छ । यस्तै दोस्रोमा पेट्रोल तथा तेस्रोमा सवारी साधन बढी आयात भएको छ । यस अवधिमा १ हजारदेखि १५ सय सीसीसम्मको सवारी ८७ सय ६१ वटा आयात भैसकेको छ ।
यस्तै मोटरसाइकल आयातमा पनि वृद्धि भएको छ । ११ महिनामा करिब २ लाखवटा ५० देखि २ सय ५० सीसीसम्मको मोटरसाइकल आयात भैसकेको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- आज आदिकवि भानुभक्तको २१२औं जन्मजयन्ती मनाइँदै
- एनपीएलको अक्सनका लागि खेलाडी दर्ता खुला
- यस्ताे आयाे आगामी आर्थिक वर्ष २०८२/८३ काे माैद्रिक नीति (पूर्णपाठ)
- विवाह गरेर ३० वर्षभित्र तीन सन्तान पाइसक्न प्रधानमन्त्रीको आग्रह
- आज विश्व जनसङ्ख्या दिवस
- आज गुरु पूर्णिमा र व्यास जयन्ती मनाइँदै
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
प्रतिकृया दिनुहोस