गाउँ सहर

सिन्धुलीको गोलन्जोर गाउँपालिकामा कांग्रेसद्वारा स्वास्थ्य सामाग्री हस्तान्तरण

• गाउँ सहर संवाददाता
• १ असार मंगलबार, २०७८ | १९:१०:०० मा प्रकाशित

सिन्धली । "कोही पनि नागरिक स्वास्थ्य सेवाबाट बञ्चित नहोउन" भन्ने नेपाली कांग्रेस सिन्धुली-काठमाडौं सम्पर्क समिति र नेपाली कांग्रेस गोलन्जोर-काठमाडौं सम्पर्क समितिको संयुक्त अभियान अन्तर्गत सोमबार सिन्धुलीको गोलन्जोर गाउँपालिकामा स्वास्थ्य सामाग्री हस्तान्तरण गरिएकाे नेपाली कांग्रेस सिन्धुली-काठमाडौं सम्पर्क समितिका सचिव अन्जनि कोइरालाले जानकार दिए । 

साे अवसरमा ४२ सय मास्क, २५ लिटर स्यानिटाइजर, २० वटा फेस सिल्ड, २ वटा पीपीइ, २ वटा अक्सिमिटर गाउँपालिकाका स्वास्थ्य कार्यालयका बीरेन्द्र साह, शान्ता भण्डारी, नेपाल शिक्षक संघ सिन्धुलीका जिल्ला उपाध्यक्ष सुमन कोइराला, गोलन्जोर-३ का वडा अध्यक्ष पुष्कर बराल, नेपाल शिक्षक संघ गोलन्जोरका सचिव अनुप बराल लगायतको रोहबरमा गाउँपालिकाका अध्यक्ष एवम् नेपाली कांग्रेसका युवा नेता पुष्पबहादुर कार्कीमार्फत गाउँपालिकालाई हस्तान्तरण गरियो थियाे ।

हस्तान्तरण कार्यक्रममा अध्यक्ष कार्कीले दुवै सम्पर्क समितिलाई धन्यवाद दिँदै आगामी दिनमा पनि गोलन्जोरवासीको घाउमा यसैगरी मल्हम लगाउने विश्वास व्यक्त गर्दै सदैव हातेमालो गर्दै अगाडि बढ्ने प्रतिबद्धता पनि व्यक्त गरे ।

"यो हामी सबैले एक अर्कालाई साथ दिने समय हो । हरेक नागरिकको आफ्नो प्यारो जीवन बचाउनको लागि हाम्रो प्रयास निरन्तर जारी रहनेनै छ । हाम्रो एउटै कामना छ यस्तो बेलामा हस्पिटल र स्वास्थ्य सामग्रीको अभावमा कुनैपनि नागरिकले ज्यान गुमाउनु नपरोस् । हाम्रो यस अभियानमा भित्रैदेखि तन, मन र धन तिनै कुराले सहयोग गर्नुहुने सन्दीप बरालप्रति हृदयदेखि नै धन्यवाद पनि दिन चाहन्छौँ । तसर्थ नागरिकको जिवन रक्षाका लागि सबै आआफ्नो क्षेत्रमा विवेकपूर्ण ढङ्गले लागौँ । यो महामारीलाइ हामी छिट्टै परास्त गर्नेछौँ र यो लडाइँ हामी अवश्य जित्नेछौँ" सचिव अन्जनि कोइरालाले भने ।