गाउँ सहर

नेपाली कांग्रेस रामेछापले भन्याे- काेभिड महामारीमा सक्दाे सहयाेग गर्‍याैँ, अझै निरन्तर रहनेछ

रामेछाप । नेपाली कांग्रेस रामेछापले काेराेना भाइरस (काेभिड-१९) काे महामारीमा पार्टीगत, व्यक्तिगत तथा समूहगत रूपमा विभिन्न अभियानमार्फत काेभिड राेकथाम र संक्रमितहरूलाई सहयाेगका लागि सक्रिय भएर लागेकाे जनाएकाे छ । 

यस अवधिमा नेपाली कांग्रेस पार्टी तहदेखि भातृ संगठनहरू र तिनका शुभेच्छुकहरूले औषधीजन्य सामाग्री, राहत सामाग्रीदेखि नगदसमेत स्थानीय तहमा पुगेर सहयाेग गरेकाे जनाएकाे छ । 

जिल्ला कार्यसमित सदस्य एवम् पार्टी प्रवक्ता नारायणबहादुर खड्काले प्रेस विज्ञप्ति जारी गर्दै पार्टी, भातृ संस्था, तथा सुभेच्छुक र समर्थकहरूलाई धन्यबाद व्यक्त गर्दै सहयाेग अभियान अझै जारी रहेकाे जनाएका छन् । 

विज्ञप्तिमा पूर्णबहादु तामाङ (कान्छाराम)ले १३ वटा एम्बुलेन्समार्फत उपचारका लागि बिरामीहरूलाई काठमाडाैं लैजान नि:शुल्क व्यवस्था र २३ लाख बराबरकाे आइसियू बेड सहयाेग, नेपाली कांग्रेस काठमाडाैं-रामेछाप सम्पर्क समितिले सक्रियताका साथ उपलब्ध गराएकाे स्वास्थ्य सामाग्री र अन्य विभिन्न भातृ संस्था तथा शुभेच्छुक र व्यक्तिहरूले उपलब्ध गराएकाे सहयाेगकाे विवरण पनि उल्लेख गरिएकाे छ । 

गाउँ सहर संवाददाता