गाउँ सहर

विश्वहिन्दु महासंघद्वारा पोखरा वृद्धाश्रमलाई सहयोग

• गाउँ सहर संवाददाता
• २३ जेठ आइतबार, २०७८ | १४:४८:०० मा प्रकाशित

पोखरा । विश्वव्यापी रूपमा फैलिरहेको कोरोनाभाईरसको कारणले हरेक क्षेत्रलाई निकै प्रतिकूल असर पारेको छ जसमा सेवा र सहयोगकानिम्ति स्थापना भएका संघसंस्थालाई भने निकै अप्ठ्यारो परिस्थितिको सामना गरिरख्नु परेको छ ।

पोखरा महानगरपालिका वडा नं १७ सीतापाईला स्थित पोखरा वृद्धाश्रममा कोरोना कहरका कारण सहयोगदाताहरुको कमी भएपछि ताजा तरकारी लगायतका बस्तुहरूको अभाव शुरु भएको थियो ।

यो बिषम् परिस्थितिमा नागरिकोको सेवा र सहयोग बाट संचालित सबै जसो आश्रमहरुमा यस्ता समस्या शुरु भएको छ ।

यही बिषयलाई मध्यनजर गर्दै विश्वहिन्दु महासंघले बिभिन्न आश्रम र गुरुकुलहरुमा आवश्यक सहयोग प्रदान गर्दै आएको छ । पोखरा बृद्धाश्रममा तरकारीको अभाब भएको थाहा भएपछि  विश्वहिन्दु महासंघ पोखरा नगर कमिटीले पोखरा बृद्धाश्रममा तीन दिनलाई पुग्ने गरी करीब ६० केजी तरकारी सहयोग गरेको छ ।

विश्वहिन्दु महासंघ नगर कमिटीका अध्यक्ष सबिना क्षेत्रीको नेतृत्वमा आश्रमका अध्यक्ष केशब पराजुलीलाई सहयोग हस्तान्तरण गरिएको हो ।

यस्तो महामारीको समयमा पनि आफ्नो कर्तब्य सम्झेर सहयोग गर्ने सम्पूर्ण दाताहरूलाई अध्यक्ष पराजुलीले धन्यबाद ज्ञापन गरे ।