गाउँ सहर

त्रिभुवन विश्वविद्यालयका ११ शिक्षक १२ जना कर्मचारीको काेभिड संक्रमणबाट निधन

काठमाडाैं । त्रिभुवन विश्वविद्यालयका शिक्षक र कर्मचारी गरेर २३ जनाकाे काेभिड-१९ संक्रमणबाट निधन भएकाे छ । 

विश्वविद्यालयका अनुसार ११ जना शिक्षक र १२ जना कर्मचारीकाे निधन भएकाे छ ।

आइतबार विज्ञप्ति जारी गर्दै त्रिविले २ जना सहप्राध्यापक, ५ जना उपप्राध्यापक, २ जना शिक्षण सहायक, २ जना आंशिक शिक्षककाे निधन भएकाे जनाएकाे छ । 

यस्तै एक जना महाशाखा प्रमुख, एकजना उपप्रशासक, ५ जना शाखा अधिकृत र ५ जना कार्यालय सहयोगीको निधन भएको छ ।

मृत्यु हुने प्राध्यापक, शिक्षक र कर्मचारीहरू विश्वविद्यालयसँग सम्बन्धन रहेका विभिन्न क्याम्पसमा कार्यरत थिए ।

विश्वविद्यालयले ७९ वटा शिक्षण इकाइहरूले पूर्ण रुपमा र ३० वटा निकायहरूले आंशिक रुपमा अनलाइन कक्षा सञ्चालन गर्दै आइरहेको जनाएकाे छ ।

साथै कोरोनाका कारण रोकिएका परीक्षाहरू पनि छिटै सञ्चालन गर्न गृहकार्य भइरहेको विश्वविद्यालयले जनाएको छ । 

 

गाउँ सहर संवाददाता

तपाईँको मत